Ríkisstjórn Sýrlands hefur gert vopnahlé við Lýðræðissveitir Sýrlands (SDF), her kúrdíska sjálfsstjórnarsvæðisins í Norður-Sýrlandi. Vopnahléð felur í sér að hersveitir SDF verða að hörfa frá yfirráðasvæðum sínum vestan við Efratfljót og gangast undir aðlögun að sýrlenska stjórnarhernum.Lýðræðissveitirnar gerðu samning við stjórn Ahmeds al-Sharaa um að sameinast henni í fyrra en framkvæmd samkomulagsins hafði tafist í marga mánuði vegna ýmissa ágreiningsatriða. Upp úr sauð í kringum áramótin og bardagar brutust út milli SDF og stjórnarhersins sem hafa haldið áfram með hléum. Í vikunni náði stjórnarherinn meðal annars Omar-olíusvæðinu, stærsta olíusvæði Sýrlands, og Conoco-gassvæðinu í Deir Az Zor úr höndum SDF. Ahmed al-Sharaa áréttaði að ekki væri viðunandi að SDF réði yfir þriðjungi land
