Í heimildarþáttaröðinni Hljóðriti í hálfa öld er rakin saga hljóðversins Hljóðrita sem var stofnað í Hafnarfirði árið 1975 og varð fljótt að einu áhrifamesta upptökuveri Íslands. Algengt var að fólk hefði orð á því að hljóðheimur Hljóðrita hafi verið sérstakur og talað var um svokallað „Hljóðritasánd”, eins og rakið er rækilega í þriðja þætti þáttaraðarinnar sem er á dagskrá sjónvarpsins í kvöld.
