Ummæli sem Inga Sæland, nýr mennta-og barnamálaráðherra, hefur látið falla um skólakerfið í viðtölum síðustu daga hafa mörg hver farið öfugt ofan í kennara og fræðimenn. Hún hefur meðal annars hlaðið skólaþróunarverkefnið Kveikjum neistann miklu lofi. „Þetta átak sem var gefið tækifæri í Vestamannaeyjum og árangurinn af því er framar björtustu vonum og er alveg frábær,“ sagði Inga meðal annars í Kastljósi í gærkvöld. VERKEFNIÐ Í UPPÁHALDI HJÁ FLOKKI FÓLKSINS Kveikjum neistann virðist Ingu og flokknum hennar hjartfólgið því fyrir þremur árum mælti Flokkur fólksins fyrir þingsályktunartillögu um að hugmyndafræðin yrði innleidd í aðalnámskrá grunnskóla. Hún náði ekki fram að ganga.Þegar Guðmundur Ingi Kristinsson, þáverandi menntamálaráðherra, var svo til nýtekinn við ráðherraembættinu ski
