Gerðardómur kvað upp úrskurð í kjaradeildu Félags flugumferðarstjóra og Samtaka atvinnulífsins, fyrir hönd Isavia, eftir hádegi í gær. Arnar Hjálmsson, formaður Félags íslenskra flugumferðarstjóra, segir úrskurðinn í takt við væntingar.„Þetta er bara súrsætt, eins og gerðardómur kannski er bara að eðlisfari. En eflaust eru báðir aðilar sáttir með eitthvað og svekktir með annað,“ segir Arnar í viðtali við fréttastofu.Arnar segir flugumferðarstjóra hvorki sérlega sátta né ósátta með tiltekin atriði úrskurðarins, en bætir því við að félagið sé enn að fara yfir smáatriði hans. Úrskurðurinn nær til helsta álitamálsins í deilunni, sem var launaliðurinn, og útreikninga á tímakaupi og orlofsávinnslu.„Þetta voru svona helstu atriðin sem var steytt á og gerðardómur tók bara til umfjöllunar það sem v
