Undanfarnar vikur hefur vart liðið sá dagur að Donald Trump Bandaríkjaforseti hafi ekki ítrekað beinar og óbeinar hótanir sínar um yfirtöku Grænlands með hervaldi, verði Grænlendingar og Danir ekki við kröfu hans um að afhenda Bandaríkjunum full yfirráð yfir þessum næsta nágranna okkar Íslendinga, með manni og mús og öllum þeim auðlindum öðrum sem þar er að finna. Sunnudagurinn var engin undantekning þar á. Í þetta skipti, aðspurður um möguleg viðbrögð annarra NATO-ríkja, sagði hann að það yrði bara að hafa það, ef slík aðgerð hefði einhverjar afleiðingar NATO, Grænland skyldi hann samt taka með einum eða öðrum hætti, "hvort sem þeim líkar það betur eða verr." FREDERIKSEN ÓMYRK Í MÁLI EN RUTTE LOÐINN Í SVÖRUM Þessar margendurteknu og nú nánast linnulausu hótanir Bandaríkjaforseta fara i
