Um 2.000 hafa látist í mótmælunum í Íran, þar með taldir liðsmenn öryggislögreglu landsins, að því er Reuters hefur eftir írönskum embættismanni. Þetta er í fyrsta sinn sem upplýsingar um dauðsföll frá hinu opinbera frá upphafi mótmælaöldunnar sem ekki sér fyrir endann á. Mannréttindasamtökin Iran Human Rights hafa áhyggjur af því að talsvert fleiri mótmælendur hafi verið drepnir.Mótmælin eru álitin ein stærsta áskorun klerkastjórnarinnar síðan hún rændi völdum 1979. Kanslari Þýskalands sagði í morgun að síðustu dagar stjórnvalda í Íran væru að renna upp.„Gerðu okkur öllum greiða: Skammastu þín!“ voru viðbrögð Abbas Araghchi, utanríkisráðherra Írans, við orðum kanslarans. Frá því greinir BBC. EVRÓPUSAMBANDIÐ BOÐAR REFSIAÐGERÐIR Ursula von der Leyen, forseti framkvæmdastjórnar ESB, segir
