Pólitísk örlög Marine Le Pen, leiðtoga frönsku Þjóðfylkingarinnar, ráðast frammi fyrir áfrýjunardómstól sem tók til starfa í París dag. Takist Le Pen ekki að snúa þar við dómi um misferli sem féll í fyrra, verður henni óheimilt að bjóða sig fram í opinbert embætti næstu fimm árin.Marine Le Pen fer fyrir stærsta stjórnmálaflokknum í Frakklandi, og hún er einn af vinsælustu leiðtogum landsins, allavega þegar litið er á nýlegar skoðanakannanir þar sem spurt er um mögulega frambjóðendur í næstu forsetakosningum, sem verða í apríl á næsta ári.Le Pen hefur tvisvar boðið sig fram, fyrst 2017, þegar hún tapaði með miklum mun gegn Emmanuel Macron sitjandi forseta. Hún tapaði svo aftur gegn Macron 2022, reyndar þá með talsvert minni mun.Embættistíð Macron lýkur á næsta ári, en draumur Le Pen um fram
