Súsanna Björg Ástvaldsdóttir, yfirlæknir heilsugæslu á Heilbrigðisstofnun Vestfjarða, hefur áhyggjur af því að ný tungumálastefna Landspítalans sé ekki nægilega vel útfærð. Ekki sé hægt að manna heilbrigðiskerfið án erlendra lækna.„Ég held að það sé mikilvægara fyrir sjúklinga að hafa lækni, í staðinn fyrir að hafa lækni sem talar íslensku, en að hafa engan,“ segir Súsanna Björg í Morgunútvarpinu á Rás 2. Hún lýsti áhyggjum sínum í grein í Læknablaðinu.Hún telur framsetningu Landspítala geta leitt til misskilnings um að skylda sé lögð á allt heilbrigðisstarfsfólk, þar með talið lækna, um að búa yfir fullnægjandi íslenskukunnáttu.Tungumálastefna Landspítalans á ekki við um allar heilbrigðisstofnanir landsins. Súsanna segir hins vegar að umræða um stefnuna teygi sig víðar og sé komin í neikv
