Hringvegurinn verður að líkindum lokaður milli Kálfafells, fyrir austan Kirkjubæjarklaustur, og Hafnar þar til í fyrramálið. Veginum var lokað við Kirkjubæjarklaustur í gærkvöld vegna vonds veðurs. Vegagerðin mat stöðuna aftur upp úr klukkan tíu í morgun. Lokunin var færð frá Klaustri að Kálfafelli en gildir væntanlega til morguns.Hríðarveður er á Austurlandi og sviptivindar suðaustanlands og á Kjalarnesi og sunnanverðu Snæfellsnesi. Veður fer versnandi norðanlands upp úr miðjum degi, þar verður hríðarveður fram á nótt.Lokað er fyrir umferð milli Kirkjubæjarklausturs og Hafnar.RÚV / Ísak ÓlafssonLokunin var færð frá Kirkjubæjarklaustri að Kálfafelli eftir að fréttin birtist upphaflega.
