Héraðssaksóknari hefur til skoðunar hvort hann hyggist kæra úrskurð Héraðsdóms Reykjaness til Landsréttar, en dómstóllinn féllst ekki á gæsluvarðhaldskröfu yfir manni sem er ákærður fyrir að brjótast inn á heimili í Hafnarfirði að næturlagi og brjóta á tíu ára gömlum dreng.Þetta segir Karl Ingi Vilbergsson héraðssaksóknari í samtali við fréttastofu. Maðurinn er á fimmtugsaldri og var ákærður á föstudaginn. Lögregla taldi forsendur fyrir gæsluvarðhaldi ekki fyrir hendi á meðan á rannsókn málsins stóð, en héraðssaksóknari fór fram á gæsluvarðhald yfir honum um leið og málið kom á borð til embættisins.Maðurinn heitir Helgi Bjartur Þorðvarðsson en hann sendi yfirlýsingu frá sér í dag og neitaði þar að hafa brotið á barninu, í kjölfar þess að DV nafngreindi hann á föstudaginn.Verjandi hans, Odd
