Utanríkisráðuneyti Bandaríkjanna hvetur þarlenda ríkisborgara til að yfirgefa Venesúela umsvifalaust. Vopnaðir vígamenn, svokallaðir colectivos, hafi sett upp vegartálma víða og leiti að bandarískum ríkisborgurum eða fólki hliðhollu Bandaríkjunum. Sveitirnar eru fylgispakar forsetanum Nicolas Maduro sem Bandaríkjaher tók höndum og flutti til New York fyrir viku. Utanríkisráðuneytið segir öryggisástandið í Venesúela enn óstöðugt og því skuli bandarískir ríkisborgarar nýta sér að millilandaflug sé komið á og forða sér. Maduro sagði í kvöld að sér liði vel í bandarísku fangelsi, þar sem hann bíður réttarhalda. Stuðningsmenn Maduros söfnuðust saman í dag til að krefjast frelsunar þeirra Ciliu Flores, eiginkonu hans. Aðeins fáein hundruð mættu, samkvæmt umfjöllun AFP-fréttaveitunnar. Mun fámenn
