Slökkviliðsmenn að slökkva eldinn í húsinu.AðsentEldur kviknaði í einbýlishúsi á Brúnastekk í Reykjavík í kringum klukkan þrjú í nótt. Allar stöðvar slökkviliðs höfuðborgarsvæðisins voru virkjaðar og slökkvistörfunum var lokið eftir um tvær klukkustundir. Nokkrar reykskemmdir urðu á húsinu og íbúarnir urðu að finna sér annan næturstað. Eldurinn einskorðaðist við eitt rými í húsinu. Ekkert liggur fyrir um eldsupptök.
