Veikindi vegna inflúensu eru nokkuð útbreidd í samfélaginu segir Ingibjörg Rós Kjartansdóttir, fagstjóri hjúkrunar á upplýsingamiðstöð Heilsugæslu höfuðborgarsvæðisins. Hún segir smitum fjölga með hverjum deginum. „Við finnum það á símtölum sem eru að koma inn til okkar að það er greinileg aukning, þar sem að þau eru að aukast verulega.“Ingibjörg segir þetta viðbúið á þessum tíma árs og þótt mikið sé um veikindi séu ekki vísbendingar um að þau séu skæðari en fyrri ár.„Okkar tilfinning er að hún sé svipuð og hefur verið. Það er í rauninni bara þolinmæði sem við þurfum að sýna veikindunum. Gefa þessu alveg eina til tvær vikur til þess að ganga yfir,“ segir Ingibjörg. Þátttaka í bólusetningu gegn inflúensu þetta haustið hefur verið góð - og enn er hægt að leita á heilsugæslu til að fá bóluset
