Flytja þurfti konu á níræðisaldri með sjúkrabíl í næsta bankaútibú svo hún gæti endurnýjað rafræn skilríki. Sonur konunnar segir þau hafa reynt allar aðrar leiðir. Framkvæmdastjóri Auðkennis segir að reynt sé að koma til móts við þarfir sem flestra. Um starfsemina gildi hins vegar strangar kröfur. Þjónustuaðilar geti margir fundið leiðir til að veita þjónustu án þess að gera kröfu um notkun rafrænna skilríkja.Mary Walderhaug hefur dvalið á sjúkrahúsinu á Siglufirði í um tvö ár. Á dögunum stóð hún í bílaviðskiptum og þurfti að staðfesta viðskiptin með rafrænum skilríkjum. Hún hafði áður verið með slík skilríki sem runnu út fyrir fimm árum.Til að endurnýja rafræn skilríki þarf að mæta í persónu í útibú banka eða símafyrirtækis og ekki er hægt að veita öðrum umboð til endurnýjunarinnar. Að öð
