Vaxtaviðmið Seðlabanka Íslands og ríkisstjórnarinnar verða birt í vikunni. Þetta staðfestir Daði Már Kristófersson fjármálaráðherra.Ríkisstjórnin kynnti á miðvikudag aðgerðapakka í húsnæðismálum. Þá kom fram að unnið væri að því að móta vaxtaviðmið í samráði við Seðlabankann sem geti legið til grundvallar verðtryggðum lánum. Er það gert til að bregðast við mikilli óvissu á húsnæðismarkaði sem fylgt hefur dómi hæstaréttar í vaxtamálinu svokallaða sem hann hafði til meðferðar gegn Íslandsbanka.„Ég held kannski að til skamms tíma litið þá var mikilvægasta aðgerðin okkar að við höfum verið að þróa viðmið sem hægt er að nota fyrir breytilega, verðtryggða vexti sem að hefur verið tekið mjög vel. Markaðsaðilar hafa lýst miklum áhuga á því að nýta það. Það eru þau lán sem skipta kannski mestu máli
