Hörð gagnrýni hefur komið fram á ríkislögreglustjóra eftir að Spegillinn upplýsti að embættið hefði keypt ráðgjöf af ráðgjafarfyrirtækinu Intra ráðgjöf fyrir 160 milljónir síðastlðin fimm ár.Intra ráðgjöf er í eigu Þórunnar Óðinsdóttur sem jafnframt er eini starfsmaður félagsins. Upphaflega var Þórunn fengin til að innleiða Lean-managment en eftir eitt og hálft ár tók starf hennar fyrir embættið stakkaskiptum og hún fór í meira mæli að leiða húsnæðisverkefni embættisins; fyrst eftir að starfsfólki fór að fjölga en síðan þegar mygla tók að greinast í húsnæði embættisins.Sigríður Björk Guðjónsdóttir, ríkislögreglustjóri, skilur að fólki blöskri þegar það sér embættið greiða ráðgjafafyrirtæki fyrir skoðunarferðir í húsgagnaverslanir. Hún ver viðskiptin við Intru en viðurkennir að embættið haf
