RÚV / Ragnar VisageSjónvarpsfréttatími RÚV tekur breytingum í kvöld og lengist í 27 mínútur á virkum dögum en verður styttri – 20 mínútur – um helgar. Fréttatíminn hefur almennt verið 23 mínútur alla daga. Með því að lengja fréttatímann á virkum dögum er bætt upp fyrir þær mínútur af sjónvarpsfréttum sem féllu niður þegar 10 fréttir sjónvarps voru lagðar niður. Heilt yfir verða sjónvarpsfréttir því að jafnaði jafn margar mínútur á viku og þær voru áður. Í dag tók gildi nýtt skipulag á fréttastofu RÚV sem er ætlað að styðja við aukna áherslu á stafræna miðlun frétta – á ruv.is og samfélagsmiðlum.
