Ekkert bendir til þess að starfsmaðurinn hafi brotið gegn fleirum

Ekkert bendir til þess að starfsmaður leikskóla sem er í haldi lögreglu grunaður um brot gegn barni, hafi brotið gegn fleiri börnum. Lögregla fundaði með foreldrum og starfsfólki leikskólans í dag.Kristján Ingi Kristjánsson, lögreglufulltrúi hjá kynferðisbrotadeild lögreglunnar, segir að á föstudag hafi verið rætt við öll börn á deildinni þar sem maðurinn vann. „Það voru tekin könnunarviðtöl í samstarfi lögreglunnar og barnaverndar Reykjavíkur,“ segir hann en bætir við að erfitt sé að ræða þessi mál við börn og því ekki hægt að slá neinu föstu.Starfsmaðurinn hafði unnið á leikskólanum í nokkurn tíma, eða tæp tvö ár, samkvæmt upplýsingum frá borginni, og ekki alltaf á sömu deild. Hann var handtekinn á þriðjudag og úrskurðaður í vikulangt gæsluvarðhald eftir að foreldrar eins barns í skólanu