Rólegt og milt veður fram undan

Rólegt veður í dag, þungbúið og sums staðar lítilsháttar væta fyrir norðan og fremur svalt, en sunnan heiða verður bjart og hlýtt.Vestan gola eða kaldi á morgun með skúrum aðallega norðantil á landinu, en syðra að mestu þurrt. Milt veður. ÓVENJUHLÝTT LOFT BERST TIL LANDSINS UM HELGINA Óvenju hlýtt loft á svo að berast til okkar um helgina með strekkings suðvestanátt. Það verður þungbúið og fremur blautt vestanlands og því nær hitinn engum hæðum þar, en austanlands verður bjartara veður og hlýtt.