Segir ónæma veggjalús orðna að faraldri

Meindýraeyðir segist fá nokkrar tilkynningar um veggjalús á dag. Erfitt sé að losna við þessi kvikindi því þau virðast ónæm fyrir eitrun.„Fyrir svona tveimur árum síðan var þetta svona eitt útkall á mánuði, nei viku fyrirgefðu, nú er þetta farið að vera svona allt upp í þrjú útköll á dag. Það er svakalega mikið, sko,“ segir Steinar Smári Guðbergsson meindýraeyðir sem var gestur í Morgunútvarpinu á Rás 2 í morgun. ÓNÆM FYRIR EITRI Veggjalúsin, sem er nefnd bed bug á ensku, sé orðin vandamál úti um allan heim, ekki síst á hótelum. Þetta sé mikið feimnismál hjá fólki sem kæri sig ekkert um að fólk viti af því ef veggjalús tekur sér bólfestu á heimilinu. Ekki bara að veggjalúsin sé enginn aufúsugestur, heldur er líka snúið að losna við hana.„Hún er orðin ónæm gegn eitri, bara öllu eitri sem