Pólverjar virkja herþotur til að verja lofthelgi sína eftir árás Rússa í Úkraínu

Pólski herinn virkjaði herþotur í nótt til þess að verja lofthelgi landsins. Það var gert eftir eldflaugaárás Rússa á Úkraínu. Frá þessu greinir NRK.Í tilkynningu frá yfirstjórn pólska hersins á samfélagsmiðlinum X segir að til þess að tryggja öryggi lofthelgi landsins eftir árásir Rússa hafi yfirstjórn hersins virkjað öll viðeigandi úrræði. Herþotur Pólverja og tiltækar herþotur bandalagsríkja hafi tekið á loft og loftvarnarkerfi á jörðu niðri sett í hæstu viðbragðsstöðu.Þar segir að gripið hafi verið til þessara aðgerða í fyrirbyggjandi tilgangi. Þeim hafi verið ætlað að vernda lofthelgi landsins og borgara þess, sérstaklega þá sem búa á svæðum nærri úkraínsku landamærunum. Herinn segist fylgjast náið með stöðunni og sé tilbúinn til þess að bregðast við ef þess þarf.