Söngleikir eru meðalið við sumarblúsinum

Kolbeinn Rastrick skrifar:Ó, hið íslenska sumar; rigning, kaldir vindar og lofthiti sem nær sjaldnast að krafsa sig upp í 20 gráður. Fjölmargir leggja eflaust á það ráð að skreppa til útlanda en þær ferðir ná ekki að fylla upp í þá þrjá mánuði sem verið er að telja okkur trú um að sé sumar hér á landi. Hvað gera bændur þá? Halda sig inni og láta eins og það sé glatt á hjalla! Þess vegna ætla ég að kynna fyrir ykkur ákveðið meðal við sumarblúsinum. Meðal sem ætti að lýsa upp hjörtu ykkar eins og hin endalausa birta lýsir upp svefnherbergi þeirra sem eru ekki enn búin að fjárfesta í myrkvuðum gluggatjöldum. Það meðal er söngleikurinn. Hér verða kynntir til leiks þrír skringilegir söngleikir sem njóta sín hvað best í hópi af vel völdu fólki.Það gengur auðvitað ekki að hafa enga mynd á þessum