Írska lögreglan talaði við 60 Íslendinga vegna hvarfs Jóns Þrastar

Um 60 Íslendingar fengu réttarstöðu vitnis og voru kallaðir í samtal við írsku lögregluna vegna máls Jóns Þrastar Jónssonar sem hvarf í Dyflinni fyrir rúmlega sex árum. Lögreglan á Íslandi stjórnaði aðgerðum, hafði samband við fólk og aðstoðaði við skýrslutöku. Lögreglufulltrúi segir að vel hafi gengið að ná í fólk og nú taki við úrvinnsla gagna hjá írsku lögreglunni. ÍSLENSKA LÖGREGLAN FYRST OG FREMST TIL STUÐNINGS Yfirgripsmikil rannsókn á máli Jóns Þrastar Jónssonar teygði sig til Íslands í lok júní. Fimm írskir lögreglumenn komu hingað og töluðu við um 60 Íslendinga sem fengu stöðu vitnis. Eiríkur Valberg, lögreglufulltrúi í miðlægri rannsóknardeild, segir að írska lögreglan vinni úr gögnunum og það komi í ljós hvert framhaldið verður. Hlutverk íslensku lögreglunnar sé fyrst og frem