Formlegur leiðtogafundur Atlantshafsbandalagsins hafinn

Leiðtogar NATO-ríkjanna sitja nú á formlegum leiðtogafundi sem hófst um klukkutíma síðar en gert var ráð fyrir. Fyrir fundinum liggur að samþykkja viðamikla áætlun um aukin útgjöld aðildarríkjanna til varnar- og öryggismála. Kristrún Frostadóttir sagði í viðtali við RÚV í gær að fundurinn yrði sögulegur í þessu samhengi, og hið sama hefur Mark Rutte, framkvæmdastjóri NATO sagt við ýmis tækifæri; nú síðast þegar hann ræddi við fréttafólk hér í Haag, áður en fundurinn hófst.Leiðtogafundurinn hófst um klukkutíma síðar en gert var ráð fyrir, ekki síst vegna blaðamannafundar Donalds Trumps Bandaríkjaforseta og Rutte; framkvæmdastjórinn endurtók þar lofsamleg orð sín um árásir Bandaríkjanna á kjarnorkuvinnslustöðvar Írana um helgina, og lofaði forsetann einnig fyrir að hafa fengið önnur NATO-rík