Trump segir Pútín genginn af göflunum

Donald Trump Bandaríkjaforseti sagðist í dag afar óánægður með starfsbróður sinn í Rússlandi, Vladímír Pútín, vegna fjölda loft- og drónaárása sem gerðar voru á Úkraínu um helgina. Að minnsta kosti tólf manns fórust í Úkraínu vegna árása Rússa í dag og í gær.„Mér hefur alltaf samið vel við hann,“ sagði Trump um Pútín við blaðamenn. „En hann er að skjóta eldflaugum á borgir og drepa fólk. Við erum í miðjum viðræðum og hann skýtur eldflaugum á Kænugarð og aðrar borgir. Ég er alls ekki ánægður.“„Ég hef alltaf átt í mjög góðu sambandi við Vladímír Pútín frá Rússlandi, en eitthvað hefur komið fyrir hann,“ skrifaði Trump síðar um daginn í færslu á samfélagsmiðli sínum, Truth Social. „Hann er orðinn algjörlega KLIKKAÐUR! Ég hef alltaf sagt að hann vilji ALLA Úkraínu, en ekki bara hluta af henni,