„Ég forgangsraðaði í mínu lífi“

Daði Már Kristófersson, fjármála- og efnahagsráðherra, sætti harðri gagnrýni stjórnarandstöðunnar fyrir að mæta ekki í umræðu um veiðigjöld á laugardaginn. Hann var á sama tíma staddur á vinnufundi Viðreisnar í næsta húsi.Boðað var til aukafundar á laugardaginn til að ljúka umræðu um veiðigjald. Hanna Katrín Friðriksson, atvinnuvegaráðherra, var erlendis og Daði Már því staðgengill hennar. Stjórnarandstaðan fór strax í upphafi þingfundar fram á viðveru ráðherra í umræðunni og upplýsti þingforseti að verið væri að koma boðum til hans.Óskin var ítrekuð klukkutíma síðar og sagði þingforseti þá að hann væri að sinna skyldustörfum en væri væntanlegur í hús. Fjármálaráðherra mætti hins vegar aldrei í þingsal en upp úr krafsinu kom að hann var staddur á vinnufundi Viðreisnar í Smiðju Alþingis. Ba