Hafna Hel í þriðja sinn

Nöfnin Deimos, Frey, Beth, Einsa og Árey hafa hlotið náð fyrir augum Mannanafnanefndar og hafa verið færð á mannanafnaskrá.Nefndin hafnaði hins vegar nöfnunum Bölmöður og Hel.Í rökstuðningi með höfnun Bölmóðs segir að það sé vegna þess að nafnið gæti orðið nafnbera til ama. „Fyrri liður nafnsins er Böl- en nafnorðið böl merkir óhamingju eða ólán. Þá merkir nafnorðið bölmóður hugarástand, svartsýni og vonleysi. Nefndin telur að nafnið Bölmóður hafi mjög neikvæða merkingu.“Hel hefur verið hafnað í tvígang, með sömu rökum, og er að þessu sinni vísað til fyrri úrskurða.