Dómsmálaráðherra óskar eftir gögnum um gagnastuld njósnafyrirtækis

Þorbjörg Sigríður Gunnlaugsdóttir dómsmálaráðherra hefur óskað eftir gögnum um gagnastuld njósnafyrirtækis sem RÚV hefur fjallað um að undanförnu. Hún sagði í óundirbúnum fyrirspurnum á Alþingi í dag að rannsaka ætti málið sem sakamál. Hún hefði sent bréf til Héraðssaksóknara í dag þar sem hún óskaði eftir skýringum og upplýsingum um verklag þar um.Hún sagði gagnaþjófnað vera árás á það fólk sem átti í hlut en ekki síst á réttarkerfið sjálft. Án trausts frá almenningi væri kerfið ekki neitt.„Stórfelldur gagnaþjófnaður úr kerfum sérstaks saksóknara fyrir rúmum áratug eru alvarleg svik við almenning í landinu og vitaskuld við þá sem um ræðir í þessum gögnum. Það er óþolandi tilhugsun að til séu þeir sem deilt hafi þessum gögnum með óviðkomandi fólki. Það heggur alvarlega í traust almennings