Ríkið borgar ekki fyrir táknmálstúlk vegna læknismeðferðar erlendis

Maður sem hefur misst alla heyrn og er byrjaður að missa sjón fær ekki greidda túlkaþjónustu frá Sjúkratryggingum Íslands til að fara í rannsóknarmeðferð í Bandaríkjunum. Hann ætlar samt að fara, ekki bara sín vegna, heldur fyrir aðra með sama sjúkdóm, sem gætu notið góðs af rannsóknunum. VISSI EKKI AF HEYRNARSKERÐINGUNNI Júlíus Birgir Jóhannsson var þrjátíu og sex ára þegar í ljós kom að hann væri farinn að missa heyrn. Hann hefur síðan lært táknmál en notar helst varalestur í samskiptum við fólk.„Ég er að hitta lækni út af öðru og hann tekur eftir því að ég segi alltaf Ha þegar hann lítur undan, ég tók ekki eftir því, þá sendir hann mig í heyrnarmælingu og þá kemur í ljós að mig vantaði 40% heyrn, sem að ég hafði bara aðlagast og ómeðvitað samhliða því lært mikið varalestur,“ segir Jú