„Það er betra að sjá eftir því að hafa reynt heldur en að hafa aldrei reynt“

„Þegar maður hefur farið víða og margt séð og margt gert þá náttúrulega liggur beint við að maður hugsi stundum hvað ef. En það hefur samt voðalega lítið upp á sig. Maður verður eiginlega bara að horfa fram á veginn,“ segir Guðjón Sigurður Tryggvason fatahönnuður sem var einungis 26 ára þegar hann greindist með MS-sjúkdóminn.Hann segist þó ekki hugsa um hvað hefði orðið í sambandi við sjúkdóminn. „Í fyrsta lagi af því að það hefur voðalega lítið upp á sig og í öðru lagi af því að það er svo margt annað sem hefði alltaf komið upp.“Sigurlaug Margrét Jónasdóttir ræddi við Guðjón í Segðu mér á Rás 1 um sjúkdómsgreininguna, tíma hans í París og Brussel og daginn í dag. „ Það er bara eins og með allt annað, maður verður bara að takast á við það með æðruleysi og mýkt. Þó að það hafi oft verið erf