Flóð og stormar höfðu áhrif á yfir 400 þúsund manns í Evrópu árið 2024

Umfangsmikil og tíð flóð í Evrópu á liðnu ári höfðu áhrif á rúmlega 400.000 manns, samkvæmt nýrri skýrslu Kópernikusaráætlunar Evrópusambandsins. Síðasta ár var það heitasta frá upphafi mælinga.Samkvæmt skýrslu Kópernikusar voru alvarlegustu flóðin í Mið-Evrópu í september, þar sem yfir tuttugu létust, og austanvert á Spáni í október, þar sem fleiri en 230 létust. Alls létust 335 í flóðum í Evrópu á liðnu ári.Í Valencía á Spáni féllu met í samfelldri rigningu og mældist hún mest 771,8 mm á 24 klukkutíma tímabili. Það er næstmesta rigning sem mælst hefur á Spáni.Þá voru einnig tíðir skógareldar í Evrópu, þar á meðal í Portúgal, þar sem yfir 1100 ferkílómetrar af skógi urðu eldi að bráð.Rannsóknir benda til þess að loftslagshlýnun hafi valdið því að flóðin voru jafn alvarleg og raun ber vitn