Vincenzo Bellini samdi óperuna „La Sonnambula“ (Svefngengillinn) árið 1831 við texta eftir Felice Romani, en textinn var byggður á ballett eftir Scribe og Aumer. Aðalhlutverkið, hlutverk Aminu, þykir sérstaklega erfitt, og er ekki á færi annarra en sópransöngkvenna með mjög háa rödd. HNEYKSLI Í LITLU ÞORPI Óperan gerist í litlu þorpi í Sviss. Amina, fósturdóttir malarakonunnar Tereseu, er trúlofuð ungum bónda, Elvino. Þau eru innilega ástfangin hvort af öðru og allir samgleðjast þeim, nema veitingakonan Lísa, sem er sjálf hrifin af Elvino. En kvöldið fyrir brúðkaupið finnst Amina sofandi inni í herbergi Rodolfo greifa, sem var gestur á gistihúsi Lísu. Allir eru hneykslaðir á framferði Aminu og Elvino slítur trúlofun þeirra ævareiður. Amina segist vera saklaus, hún viti ekki hvernig hún
